Уявім собі ош якымись чудом наш простый чоловік из Закарпаття став Президентом України ,як бы мы товды жили?
*€*$*£*
-Чоловіче ,йдім та купиме ти в Ужгороді костюм Вороніна тай нові топанкы
-Кілько вто дись коштує?
-Пак думаву даз дисять тисяч,айбо ни підеш у Київ ги лох....
-Свиставим кітити гроші на пустоє,піду в тому штом быв до кума на свальбу, пак лиш раз им тото вдівав...
Мигаль Попович из закарпатського малого вариша уграв президентські выборы и береся за роботу так ги бы му типир зорали та треба всьо шіковно посадити,докідь ни впав дощ. Усьо ґаздівство лишив на тьощу,яка го типир дуже любить,жону и діти бере з собов помагати ,мамку й нянька тоже.
Скликав усьый Кабінет міністрів и Верховну Раду на переговоры ,вбы навести порядок у державі.Жона закарпатська по привычці посиловала всьых кавильом и нарізала колачів.Типир ся в Раді нико ни б‘є,ни ссважать,усі рано п‘ють кавиль и приймавуть рішення.
Мигаль поняв ош у державі так усьо запущено , ги коли з хыжі ґазда піде на заробіткы на рік.Мусай штось чинити,хапатися за всьо нараз.Гроши ниє,довгів у державы доста,люди без роботы,зимлі пустувуть,продукты дорогі. Начав налажовати тісні зв‘язкы из різными державами:
-Володю,пак ты ся ни ганьбиш?!Твій тьоска хрестив наші зимлі,пак исе наш общый батичко!Што ся ты ймив до мойых люди?Межу сь пирийшов,а ты знаєш што в Закарпаттю чинять за межу!Никай,бо Бог ни йде бити палицьов!Ни бери гріх на душу!
-Макроне,тото вашоє французькоє вино болото,што за дурні го куплявуть за такі великі гроші? Никай на,у люди типир якраз повкысало файноє вино домашньоє.Я ти вдправлю вшитко ,а ты там погаси наш кредит.Мої люди й так ся полишали пити,бо роботы є до блуду.
-Земане,перинеси свої автозаводы до нас и так мойых много у тя робить,а в мене села умиравуть.Будеш їм платити тоті самі гроші,а люди будуть си пиля хыжи и ты зекономиш на газови,на електриці,мої люди си будуть такой на місці твої шкодовкы купувати, увидиш усьым буде добре.
-Орбане серус ,ты ся ни серди за тот скандал из паспортами.Кидь ись годен та давай людьом най си підуть у Англію заробити гроши, и так ся скоро всі вернуть домі,бо мы туй начали євроремонт усьої державы ,пак тя покличу на здоровну псавтырю.
-Анжело,многосьме ти довжні?Кілько-кілько?Йой,ото штось дуже много,но нич,мы пак из того якось уйдеме помалы.Гоннась ми щи мало позычити до Паскы?
-Лукашенку як крумпля?Файно вродила?Кілько оптова ціна?Де у фраца?Вто з біціґлями?А та де,мені товды май выгодно з Єгипта завезти.
-Халіфа бін Заїд?Альо,штось тя ни чути,ану передзвони!...Но типир чути.Убудивим ти шовдарі тай мало пікниці, гись просив.Передам ти кымись,ко буде йти на море з нашых.Є в тя щи нафта в Еміратах?Даш ми щи по старів ціні?Но товды я уд тя всьо купуву.Удправляй танкеры ,лем укажи хлопцям вбы по пути крумплі з Єгипта загрузили.
-Марку здоров!Чуєш наші жоны так люблять ваші косиці,што я ти хочу предложити выгодноє діло.Никай, у нас того чорнозьома до блуду на Вкрайні.Най ваші садоводы садять у нас тюльпаны тай розы,и ціна ти файна уйде,и нам буде прибыль,и рости всьо буде файно,щи мош и курячками пілляти.Тай молока в нас много,гоннисьте такой сыр чинити. Што кажеш?
-Доні здоров!Ни розбудивим тя?Бо забывим ош у вас у Америці щи ніч темна.Є в тя стоячі гроші?Бо треба ми на розкрутку.Но кількось ми годен дати за розумні проценты?...О дав бы ти Біг здоровля! Прийди колядовати, пак ни будеш САМ ДОМА.
-Дуда?Як у Польщи типир свинина живый вес?Бо казавим ти щи давно ош у нас ти буде май выгодно їх держати.Никай на,голландці вже садять у нас,чехы заводы переносять,як хоч,бо пак міста ни буде.Я ти предложив,ты думай.
-Серджо бона сера! Муку ти на макароны можу предложити по файнів ціні.Вінницька вышый сорт,файна ,білинька,моя з ниї пекла паскы та такі файні уросли нівроку.Ото ти й на піццу буде доброє.Наші дальнобойщикы серйозні хлопці,знаєш ош поставкы будуть безперебойні,а назад їх будеш грузити мандаринами тай оливками.Нєт,хащу вже ни возять,я наклав вето.
-Маріано здоров.Дуже в нас файні парадичкы сього літа.Бери на тот ваш фестиваль Томатину.У нас у Хирсоні всьо ся чиллиніє вд них,люди вже тілько соку накрутили!
-Ердогане як море?Тепла вода?Усі твої готелі з олінклюзівами я бронюву на п‘ять років,будеме туды вдправляти на отдых учитильок,школьників тай другых,ко заслужив.Пак чувим ош файно годувуть та най ся люди радувуть.Видав заслужили!
-Цзіньпінь исе ты,бо фурт вас путаву,такісьте всі похожі!Чувим ош у вас май выгодно купляти плитку.Но та мені треба на всі навчальні заклады,я вже худь-якоє ни покладу на сміх.Пудбери ми там штось файноє по сериднів ціні ,лем уже ми вдправляй,бо в мене всі майстры з чихів ся вертавуть та вбы ни стояли без роботы,а з Китая доста довго йде.
-Ахіхіто коли йдеме на рыбалку?Лим ми вті суші ни крути,ліпше я дараб солонины принесу,бо мене пак млойить...Но та там и переговориме за медобладнання ,бо мы хочеме всьо староє здати на металолом та купити новоє японськоє.
..........У такому дусі , из закарпатськов простотов,наш Президент наладив бы дружні відносины из усіма державами світа...И быв бы мир,ни было бы воєн,усі бы до ся ходили в гості,експорт-імпорт на взаємовыгодных умовах, люди бы мали файну зарплату,больниці бы были укомплектовані сучасным медобладнанням,мы бы ся розщитали з довгами, економіка бы ся розвивала,сім‘ї бы ся об’єднали....Што?Мечтаєме дале?


Маріка Данканич
12.12.2018


Последние руноскрипты

Обезвредить врага рунами
4. Запереть злобу и колдовство в источ...
Руноскрипт от метеозависимости
Вопрос: Уважаемые рунологи.Я ужасно мете...
Руноскрипт от простатита и цистита
Лечим цистит и простатит (автор Рунава)П...
ЗАЖИВИТЕЛЬ-для заживления ран - запатентованая формула
На днях наткнулась на такой вот став.Наз...
Прекращение действия рунического заклятия
Остановимся на немаловажном вопросе – ка...
Способы активации рун,ставов и т.д.
Наткнулась в сети на замечательную стать...
Универсальный рунический став защиты
Еще одна мощная защитная руна. Рисуем о...
ПриватБанк курс доллара